ANPA MIGUEL HERNADEZ IES MIRAFLORES
Bo día.
No día de hoxe publicouse na web do Concello de Oleiros (apartado Concellería Ensino e Xuventude) o Acordo provisional de concesións e desestimacións das axudas para a asistencia a comedores escolares para o curso 2022 – 2023.
Achegamos o enlace de dito Acordo : http://www.oleiros.org/c/
O prazo de alegacións é de 10 días hábiles e finaliza o día 14 de decembro de 2022.
Un saúdo
Bo día,
Dende o Concello infórmannos que debido ao baixo número de inscritos, cancélase a charla sobre alimentación saudable, prevista para hoxe martes 29 de novembro, e organizada polo Centro de Formación e Recursos (CFR) da Consellería de Educación, en colaboración co Concello de Oleiros.
Bo día
O Centro de formación e recursos da Consellería de Educación en colaboración co Concello de Oleiros, organiza unha charla para familias sobre alimentación saudable.
Celebrarase o vindeiro 29 de novembro martes ás 18 horas no Centro Municipal de Formación Isaac Diaz Pardo (Os Regos).
As inscircións fanse a través do enlace que vos deixamos aquí
Un saúdo
O pasado día 8 tivemos no Instituto a ISA RISCO coa súa obra BRAVAS. Foron as alumnas e alumnos de 1º da ESO as espectadoras e espectadores que tiveron a fortuna de asistir á representación.
Para a publicidade da obra tivemos gañadora do concurso de carteis. Parabens a Mara Vázquez polo seu cartel:
O certo é que estivo ben difícil a votación pois tamén temos que felicitar a Carla García e a Gema Campos polas súass propostas que vos deixamos aquí:
Grazas a Isabel Risco e á dirección do IES que fixo posible a organización para cadrar horarios e poder facer esta actividade complementaria das aulas.
Deixámosvos algunhas fotiños da representación.
Esta actividade foi subvencionada polo Concello de Oleiros dentro da convocatoria de Subvencións para a Promoción e a Difusión da Cultura e o Deporte do ano 2022
Bo día familias!!
Este ano convócanse eleccións ao Consello Escolar. Animamosvos a presentar a vosa candidatura para participar como representantes de pais e nais.
Tedes ata o venres 18 de novembro de 2022 ás 14.00 h. para presentar as candidaturas.
Aproveitade a oportunidade de implicarvos na vida escolar do vosos fillos e fillas.
Deixamosvos o enlace da publicación do calendario de eleccións:
https://www.xunta.gal/dog/Publicados/2022/20220930/AnuncioG0655-210922-0003_gl.html
Ademáis tedes toda a información detallada na web do Instituto:
https://www.edu.xunta.gal/centros/iesmiraflores/
Un saúdo
A ANPA Miguel Hernández do IES MIRAFLORES está a valorar o organizar unha serie de actividades extraescolares a realizar os luns e os martes en horario de 15:00 a 16:00 horas. Co fin de valorar as actividades que terían maior aceptación, agradeceriamos que contestásedes ao seguinte formulario para ter datos aproximados de asistencia e poder estimar as actividades máis adecuadas.
https://forms.gle/NwkACEamMifKn5hQ8
Saúdos
Bo día!
No pasado curso 2020-2021 solicitouse por parte da Anpa a subvención da Xunta de Galicia para Anpas que xestionan o comedor de centros sostidos con fondos públicos. Este importe foi recibido en decembro de 2021 e o destino acordado foi a minoración da cota do importe mensual de comedor proporcionalmente aos días que os vosos fillos e fillas fixeron uso do servizo no curso correspondente.
O reparto proporcional fixémolo agora que temos os datos do alumnado asistente ao comedor e os días correspondentes no curso 2020-2021.
Poñémonos en contacto cos beneficiarios por mensaxe electrónico para que pasedes nos horarios que habilitamos para esto a recoller o importe correspondente. Para iso pedímosvos que cubrades o seguinte formulario (só un formulario por familia, por favor):
https://forms.gle/t2DiKdyjrtEQ67U39
Moitas grazas. Un saúdo,
Ola!
Coa fin de colaborar na recadación de fondos para o alumnado do Instituto que, sendo membro da Anpa, participe na viaxe á neve do curso 2022/2023, a ANPA Miguel Hernández do I.E.S. Miraflores , propón:
xestionar a adquisición dunha serie de produtos por xunto que poderán ser vendidos polo alumnado, obtendo coa devandita venda un beneficio para colaborar nos gastos da antedita viaxe.
OPERATIVA:
Os interesados poden ver na seguinte ligazón, os productos que poden mercarse:
https://www.damadeestepa.es/productos?gclid=EAIaIQobChMIhufWk-L_-gIVSJnVCh2xDQLaEAAYASABEgL36fD_BwE
Aquí podedes ver os prezos de compra e de venda:
Ata o día 15 de novembro, os interesados, cubrindo os datos deste formulario, poden facer as peticións dos productos que lles interesen para posteriormente ser vendidos.
https://forms.gle/Sa7GjzX5t3u6u6QE7
Farase a petición á empresa e distribuiranse os productos entre os solicitantes.
Antes do día 12 de decembro, deben de pagar o ANPA o importe neto da suas peticións.
Pódese falar con familiares e amigos para poder facer unha venta maior e máis beneficio para o alumnado.
Contaremos co centro para a recepción/almacenaxe e distribución dos produtos.
Calquera dúbida podedes consultar coa ANPA
Dentro do marco da IGUALDADE propuxéronse dende a Anpa ao Centro dúas actividades nos vindeiros días:
O DÍA 8 DE NOVEMBRO o alumnado de 1º da ESO terá a oportunidade de desfrutar da obra de teatro BRAVAS da man de Isa Risco. Bravas fai un percorrido pola historia da muller galega, unha historia sempre roubada, agochada e invisibilizada.
OS DÍAS 19, 20 e 21 DE DECEMBRO DE 2.022, un obradoiro de igualdade. Almas Meraki da man de Sara Vierna. DESCONECTA DO MACHISMO, RECONECTA CONTIGO, Invitarase ao alumnado a poñer en cuestión as identidades e comportamentos limitados e limitantes para enfocalos no desenvolvemento pleno e consciente do seu espazo emocional a partires da interdependencia, o feminismo e a sostenibilidade global.
Por estes motivos propuxemos un CONCURSO DE CARTEIS que fará o alumnado que estea interesado en participar xunto co docente encargada da materia de plástica.
Agardamos ter moitas propostas para que o xurado elixa o mellor cartel.
Deixámosvos AQUÍ o enlace ás bases do concurso e o premio ao mellor cartel de cada actividade.
Anímadevos a participar!!!
