AVISO LEGAL

28 novembro 2016

AXUDAS para asistencia a COMEDORES escolares

Estimadas familias,


O día 23 de novembro de 2016 saiu publicada no BOP nº 222 a convocatoria de axudas para a asistencia a comedores escolares deste curso.O prazo para acollerse a estas axudas remata o vindeiro 16 de decembro.

Poden consultar as bases no seguinte enlace. Para cubrir a solicitude podedes descargar aquí o pdf.

Saúdos afectuosos,

Xunta directiva


PRAEMO (Programa de reforzo e apoio educativo municipal de Oleiros)


Estimadas familias,

Queremos informarvos de que vai comezar a inscrición no programa municipal contra o fracaso escolar, PRAEMO. Adxuntamos a información do Concello e os enlaces:

Oleiros, 21 de novembro de 2016-. O Concello de Oleiros volve poñer en marcha o programa de reforzo escolar dirixido ao alumnado dos centros de ensino público de Oleiros de primaria e secundaria. O obxectivo principal desta acción é previr o fracaso escolar entre os escolares e garantir a igualdade de oportunidades para todo o alumnado
As inscricións poderán facerse, entre o 30 de novembro e o 15 de decembro, presencialmente na Concellería de Ensino e Xuventude (centro cultural A Fábrica) ou nos centros escolares. A adxudicación de prazas será por estrita orde de rexistro. Crearase unha listaxe de garda, para os que se inscriban sen praza, á espera de formar grupos novos. As clases desenvolveranse na Casa da cultura de Perillo, na Casa do pobo de Nós, no Centro social de Rialta e no Centro cívico de Santa Cruz.

MÁIS INFORMACIÓN

Saúdos,

Xunta directiva

23 novembro 2016

INFORMACIÓN FOLGA 24 NOVEMBRO

Estimadas familias,

Achegamos a circular que nos enviaran desde CONFAPA Galicia co respecto á folga do 24 de Novembro.

                                             
                                                          COMUNICADO

Saúdos afectuosos,


Xunta directiva

17 novembro 2016

Novas ACTIVIDADES EXTRAESCOLARES

Estimadas familias,

Atendendo novamente ás vosas peticións sobre actividades extraescolares, este ano imos ofertar tamén Obradoiro de Cómic e dous Programas de técnicas de estudo.

Tedes a información nestes carteis que vos presentamos e que colgamos polos corredores do instituto. 




No seguinte enlace atoparedes a folla de inscrición onde seleccionar aqueles obradoiros que vos interesen. Podedes entregala cuberta na conserxería do Centro ou ben, remitila ao seguinte correo: actividades.apamiraflores@gmail.com

Saúdos,

Xunta directiva


13 novembro 2016

Eleccións ao CONSELLO ESCOLAR 2016-17

Estimadas Familias,

Neste curso 2016/17 hai que renovar o Consello Escolar. 

Os Consellos Escolares son o instrumento de participación das familias nos centros escolares e un órgano de encontro da comunidade educativa para o debate, a reflexión e a mellora do sistema educativo. Neles tómanse importantes decisións que afectarán á educación dos nosos fillos e fillas. 

"A túa implicación e participación, agora máis que nunca é decisiva" 

A participación das familias no Consello Escolar realízase:
  • A través do representante da ANPA, por designación directa desta.         
  • A través dos representantes das familias, vía eleccións.       
  • Unha vía indirecta a través do alumnado.

Vacantes do ano 2016-17:

Este ano no noso instituto as nais-pais-titores/ás legais teremos que elixir: 1 representante das familias- nai, pai ou titor/a legal.

E os nosos fillos e fillas terán que elixir:  2 representantes entre os seus compañeiros e compañeiras.

As candidaturas presentaranse no Centro Educativo, coincidindo co horario escolar. O prazo de admisión de candidaturas remata o 18 de Novembro de 2016 ás 12,30 horas. 

Achégase o arquivo co modelo de candidatura e o comunicado do calendario electoral deseñado polo Centro.

O Día 25 de novembro: Celébrase a votación do alumnado, de 9’00 a 14´10 horas.

Día 28 de novembro: Celebración das votacións de pais, nais e titores legais do alumnado, de 16’00 a 20’00 horas.

Porque na educación dos nosos fillos e fillas aínda temos que dicir moito participa e anima a participar nas eleccións aos Consellos Escolares. A túa participación é a túa forza.


Saúdos afectuosos,

Xunta directiva

06 novembro 2016

PRE-INSCRICIÓN no Obradoiro de XORNALISMO

Estimadas familias,

Como xa vos comentamos na Asamblea Ordinaria, este ano tamén imos a ofertar o "Obradoiro de Xornalismo". Será impartido por unha licenciada en xornalismo e un fotógrafo profesional con experiencia en diferentes medios de comunicación,  e aprenderán a facer entrevistas, fotografías, noticias do que pasa no instituto, asistirán a un programa de radio ou televisión,etc.. 

É unha actividade gratuita (para familias asociadas) impulsada pola ANPA e financiada polo Concello de Oleiros. As clases impartiranse os luns e/ou martes de 15:00 a 16:00 horas, dependendo do número de participantes. 

O inicio das clases será o 9-10 de xaneiro pero a PREINSCRICIÓN é ATA O 15 DE NOVEMBRO.

Se estades interesados podedes cubrir o seguinte formulario on-line, ou ben descargar o impreso adxunto e que os vosos fillos/as o entreguen na conserxería do Centro.

Un saúdo afectuosa

Xunta directiva

01 novembro 2016

charla divulgativa sobre "COMUNICACIÓN E XESTIÓN EMOCIONAL NO ENTORNO FAMILIAR" na Fábrica

Estimadas familias,

Atendendo ás vosas peticións sobre temas interesantes para tratar nunha escola de nais e pais, enviámosvos a seguinte información e enlace do Concello de Oleiros para unha primeira charla divulgativa e posterior obradoiro na Fábrica.

"O Auditorio da Fábrica en Santa Cristina acollerá o próximo xoves, 3 de novembro, ás 20:00 h unha charla divulgativa na que, baixo o título de “O PODER DAS PALABRAS”, se falará de comunicación e da xestión das emocións co obxectivo de mellorar as relacións nas familias, principalmente entre os pais e as nais e os seus fillos e fillas.

Nesta charla divulgativa as persoas asistentes poderán coñecer todas estas ferramentas da man de Mar Sánchez, psicóloga experta en comunicación e xestión emocional e profesional de recoñecido prestixio nestes ámbitos.

Tras a celebración da charla abrirase ao día seguinte un periodo de inscrición, a través da carpeta cidadá da web municipal, para un obradoiro denominado “COMUNICACIÓN E XESTIÓN EMOCIONAL NO ENTORNO FAMILIAR” que se celebrará en cinco sesións, os xoves pola tarde, en horario de 19:00 a 21:00 h nas instalacións do Centro Municipal de Formación “Isaac Díaz Pardo” nas seguintes datas: 10, 17 e 24 de novembro e o 1 e o 15 de decembro.

O obradoiro está dirixido especialmente a pais e nais que desexan mellorar e fortalecer a comunicación cos seus fillos e fillas, co fin de manter unha relación fluida e establecer unha base de confianza mutua que facilite o diálogo e a crianza.

A aprendizaxe destas técnicas permitirá mellorar as relacións familiares e prevenir problemas e conflictos que se poidan presentar no futuro. Saber traballar as emocións, coñecer como as emocións dirixen a nosa conducta, conectar cos fillos e fillas a través do respecto e a igualdade, xenerar seguridade e potenciar a autoestima, son claves para mellorar a convivencia no ámbito familiar."

Podedes recabar máis información e forma de inscrición no seguinte enlace: