15 de maio de 2018

Reclamación das CUALIFICACIÓNS de 2º de bacharelato


Estimadas familias,

Sabemos que, para os que tedes fillas e fillos en segundo de bacharelato, este mes é bastante intenso e complicado. Queremos transmitirvos moito ánimo neste último esforzo.

Achegámosvos o enlace da circular coa información sobre cómo reclamar as cualificacións das notas finais de segundo de bacharelato, si así o considerades oportuno. Lembrade que é un breve periodo de tempo xa que pronto teñen a selectividade. 

Presentaranse por escrito, no centro e dirixidas á dirección. As datas son:

  • 23 e 24 de maio de 2018 (ata as 14 horas)
  •  5 e 6 de setembro de 2018 (ata as 14 horas)


Lede con atención a circular completa donde está moi ben explicado todo o proceso:




Saúdos agarimosos
Xunta directiva
ANPA Miguel Hernández


27 de abril de 2018

Gañador@s do concurso de MICRORRELATOS

O pasado luns 23 de abril as gañadoras e gañadores do V Concurso de microrrelatos recibiron os seus premios e agasallos na biblioteca do centro. Como xa sabedes, a ANPA organiza este concurso  facéndoo coincidir coa celebración do Día do libro. Pensamos que é unha boa práctica para que os nosos fillos e fillas gusten do pracer da lectura e da escritura, e se pode ser con premio... mellor!


   


Este ano contamos con 138 participantes que recibiron unha pequena libreta para poder seguir anotando as súas ideas, debuxos, etc . Agradecemos tamén desde aquí o apoio e colaboración tanto do equipo de biblioteca como do profesorado que animou ao seu alumnado a participar. Enviamos o listado de gañadores que poderán canxear os seus vales en dúas librerías da cidade. Parabéns!!

1ºESO 
1º Martín Domínguez Taboada 75€
2º Nicolás Lopez Modia 50€
3ºCarla Negreiro Soto 25€

2ºESO
1ºJavier Lourido Valverde 75€
2º Lucas Varela Sambade 50€
3º Mateo Folla Landeira 25€

3ºESO
1º María Valle Ares 75€
2º Celtia Río Santos 50€
3º Sergio Puertas Pérez 25€

4ºESO 
1º Fernando García Ortiz 75€
2º Delia Serrano Baptista de Sousa 50€
3º Tomás García Barreiro 25€

BACHILLERATO1º
1º Manuel Loureiro Muiños 75€
2º Laura López Chas 50€

Para ler algún dos textos teremos que esperar á maquetación da revista "Miraflores" desde o obradoiro de periodismo organizado pola ANPA e que, coma sempre, teremos nas nosas mans a final de curso. Seguro que nos sorprenden coa súa creatividade. 

Esperamos seguir disfrutando outros anos e, quen sabe, quizás algún deles comence aquí a súa carreira literaria.

Saúdos literarios

Xunta directiva 


2 de abril de 2018


Esperamos que sexa do voso interese!! 


"O próximo venres, 6 de abril, ás 19:30 h, no auditorio da Fábrica, haberá unha charla aberta dirixida ás familias titulada “Redes sociais e adolescencia. Qué está pasando?”

O contido desta charla non é de ciberseguridade na rede como outras similares que se organizaron e se están a impartir polos centros educativos, está enfocada aos comportamentos e as relacións que manteñen os rapaces e as rapazas nesa idade tan importante da vida como é a adolescencia, na que configuran a súa personalidade e identidade, así como as súas creencias.

As redes sociais están a xogar un papel moi importante, posiblemente sexa un dos elementos de socilaización mais importantes para eles e elas hoxe en día, polo que as familias debemos coñecer de cerca que hai detrás, qué está pasando nas relacións que manteñen a través deses canais, cómo inflúen na súa vida, no seu desenvolvemento, nas relacións entre iguais e coa súa familia.

Pensamos que esta charla aberta pode acercarnos a coñecer mais de cerca unha realidade da que non somos conscientes ou descoñecemos gran parte dela. Para iso imos contar coa presenza de dúas especialistas nesta materia, Virginia Pañeda e Sara Vierna, educadoras especialistas en redes sociais, xénero, intelixencia emocional e coaching educativo, que nos acercarán a realidade que están a vivir as nosas fillas e os nosos fillos nestes momentos nas redes.

Unha charla dirixida ás familias de nenos e nenas en idade da adolescencia pero tamén das etapas anteriores, debemos ter información para prevenir moitos dos problemas que poden chegar no futuro. Hoxe en día gran parte do alumnado dos cursos de primaria xa é usuario e usuaria de redes sociais e teñen teléfonos móbiles, polo que a información é a mellor forma de prevención."


Saúdos afectuosos

Xunta directiva




12 de marzo de 2018

Club de lectura de maiores do IES Miraflores

Desde o Club de lectura de adultos do IES Miraflores pídennos difundir a seguinte actividade:


Resultado de imagen de xurxo souto e contos do mar de irlanda


Animádevos a acudir o día 5 de abril porque paga a pena!!!


Saúdos lectores,

Xunta directiva 

3 de marzo de 2018

OBRADOIRO de TÉCNICAS DE ESTUDO

Estimadas familias,

Como xa sabedes, cada ano a ANPA organiza e/ou financia diferentes actividades para as nosas fillas e fillos no instituto: obras de teatro, obradoiros, sesións culturais, etc.

Este ano, coordinados co departamento de orientación, decidimos organizar e financiar un obradoiro de técnicas de estudo para levar a cabo en sesións de titoría. Impártese en 1º e 3º de ESO, en catro sesións de 50 minutos con cada grupo. Xa remataron en 1º de ESO e estanse levando a cabo en 3º de ESO. Está impartido por Mª Belén Pérez, licenciada en Pedagoxía e con varios diplomas sobre Avaliación e Diagnóstico das dificultades específicas da aprendizaxe.

Estes son os contidos que nos presentaron no proxecto inicial e que están a desenvolver na aula:

"O proxecto de Técnicas de Estudio que se achega abrangue as ferramentas que constitúen os instrumentos básicos para o desenvolvemento das alumnas e dos alumnos no seu proxecto de estudio. Abrangue todo o que supón un entrenamento sistemático de aspectos necesarios para procesar a información: 
a) Conceptuais: condicionantes físicos e psíquicos do estudio e o coñecemento de ferramentas de estudio (Subliñado, esquema, resumen e mapa conceptual). 
b) Procedementais: organización e planificación das tarefas, con horarios de estudio coherentes, racionais e eficaces; a comprensión e eficacia lectora, etc. 
c) Actitudinais: motivación cara o estudio para dotar de significación e funcionalidade ao proceso de ensino e aprendizaxe.  
A suliñar: Todo este proxecto lévase a cabo de xeito atractivo para os rapaces pois a súa posta en escea realízase con actividades lúdicas e interactivas onde ademais se traballa co alumnado competencias propias da intelixencia emocional, pois as habilidades emocionais teñen unha gran influenza na motivación académica e nas estratexias cognitivas"

Queremos compartir tamén as suxestións plantexadas para as familias. Esperamos que faciliten o desenvolvemento na casa do plan de estudo traballado nas aulas:


2.1- Planificación dun horario semanal e outro diario coa finalidade de organizar tanto os deberes como o estudio, programando diariamente e que se fagan responsables do seu propio traballo. 
2.2.-Planificación igualmente dos traballos a realizar, das lecturas obrigadas dos libros e da preparación dos exames. 
2.2.- Conseguir que logren un espazo adecuado para o seu estudio diario na súa casa coas características e as ferramentas necesarias para que o estudio sexa de proveito. 

E como sempre, para calquera dúbida ou suxestións ao respecto que queirades aportar enviade un correo a: apamiraflores@gmail.com

Saúdos afectuosos,

Xunta directiva
ANPA Miguel Hernández


24 de febreiro de 2018

V Certame do Concurso de MICRORRELATOS

Estimadas familias,

Un ano máis a ANPA Miguel Hernández do IES Miraflores convoca o concurso de microrrelatos para conmemorar o Día do Libro. É unha boa oportunidade para que o alumnado participe, sexa creativo, invente historias reais ou fantásticas, breves (máximo cen palabras en calquera dos catro idiomas que falan no centro)...E tamén de ter unha recompensa doble: ademáis da publicación dos relatos gañadores na revista do instituto contamos con tres premios por curso de 75, 50 e 25 euros para canxear nas librarías "Alita cómics" e "Couceiro". Tedes toda a información no cartel que achegamos así como as plantillas para presentar os microrrelatos.

Veña! Animade ás vosas fillas e fillos a participar!!


Saúdos literarios,

Xunta directiva
ANPA Miguel Hernández





6 de febreiro de 2018

Participa no Consello da mocidade de Oleiros!

Moi boas,

Desde o concello pídennos axuda para difundir esta mensaxe. Pensamos que pode ser moi interesante...animádevos a participar!!!