Enquisa "ESCOLA DE NAIS E PAIS"

Estimadas familias,

Lembrade que temos unha enquisa aberta para poder decidir entre todas e todos os temas que nos gustaría abordar nunha "escola de nais e pais". Por favor, se aínda non o fixeches... entra neste enlace:

ENQUISA

Moitas grazas!! Saúdos,

Xunta directiva

Estimadas familias,

Queremos desexarvos que pasedes unhas felices festas, con tempo para disfrutar e compartir cos vosos. E todo o mellor para o ano 2018!!

Saúdos agarimosos,

Xunta directiva 

ANPA  Miguel Hernández

IES Miraflores

Concurso logo Club Voleibol Oleiros

Envíannos este cartel para que vos animedes a participar no deseño do logo para o Club de Voleibol de Oleiros.

 Veña! Pon en marcha a túa creatividade!!

Son 150 euros de premio que seguro sabes como aproveitar!!!

Deseñando espazos xuvenís en Oleiros!

ATENTOS a esta xuntanza para participar no diseño de novos espazos para mozas e mozos de Oleiros!

Acude, participa, opina...e DESEÑA!!!

ACTIVIDADES EXTRAESCOLARES

Estimadas familias,

Como cada ano intentamos facilitar unha serie de actividades extraescolares no instituto para os nosos fillos e fillas . Son iniciativas variadas no contido e nas datas de realización e para poder levarse a cabo é preciso un número mínimo de participantes. Este ano temos algunha xa habitual (taller de periodismo para a realización da revista escolar) e outras novas que esperamos sexan do voso interese.

Deixamos o enlace ao cartel con nome e datas propostas, algún tríptico de información e as follas de inscripción.

ACTIVIDADES EXTRAESCOLARES 2017-18

taller robótica

cartel xornalismo

Folla inscripción

Saúdos afectuosos,

Xunta directiva

Convocatoria de axudas do Concello de Oleiros para asistencia a comedores escolares

Estimadas familias,

O BOP (Boletín Oficial da Provincia de A Coruña) publicou o pasado día 3 de outubre a "Convocatoria de axudas para asistencia a comedores escolares" do curso 2017/18 no noso concello.

Nos seguintes enlaces tedes toda a información necesaria, as bases cos requisitos de solicitude así como o anexo 1 (pódese cubrir no ordenador e envialo como arquivo adxunto):

• BOP (Boletín Oficial da provincia da Coruña)

• BASES específicas do CONCELLO de Oleiros para as axudas de comedor

• Anexo 1 (subvención concello Oleiros)

Lembrade que a data de solicitude remata aos 15 días hábiles da publicación no BOP.

Saúdos afectuosos,

Xunta directiva

Asamblea Xeral Ordinaria

Estimadas familias,

Como cada ano por estas datas imos celebrar a Asamblea Xeral Ordinaria da ANPA. Terá lugar o vindeiro 16 de outubro, no salón de actos do instituto, ás 19:00 horas en primeira convocatoria e ás 19:30 en segunda.

A orde do día é a seguinte:

       1.- Lectura e aprobación da acta da asamblea anterior.

       2.- Memoria de actividades do curso 2016-17.

       3.- Aprobación das contas anuais do curso anterior e presentación do presuposto do 2017-18.

     4.- Propostas de actuacións e actividades previstas para este curso e aprobación de petición de subvencións.

      5.- Ratificación-reelección de cargos da xunta directiva e elección de novos membros.

      6.- Rogos e preguntas.

Lembrámosvos que aqueles asociados/as que desexen pertencer á xunta directiva deberán presentar a súa candidatura por e-mail a apamiraflores@gmail.com ou cubrir o cupón que se adxunta e deixalo na secretaría do centro antes do 14 de outubro de 2017.

Do mesmo xeito podedes cubrir o impreso adxunto se non podedes acudir á asamblea e queredes delegar o voso voto.

Vémonos o próximo 16 de outubro! Saúdos afectuosos,

Xunta directiva

CUPÓN CANDIDATURA-DELEGACIÓN VOTO

BENVIDAS AO NOVO CURSO 2017-18

Estimadas familias,

Benvidas a este novo curso 2017-18. Comezamos con ganas de traballar para mellorar a educación das nosas fillas e fillos, na medida das nosas posibilidades. Non dubidedes en preguntar, aportar ideas e facer todas aquelas suxerencias que consideredes interesantes.

Hoxe queremos comezar informándovos de dous obradoiros que o Concello de Oleiros, a través da concellería de Servicios Sociais pon en marcha. Están dirixidos ás familias con menores co obxectivo de contribuir a mellorar a comunicación e as relacións familiares, como estratexia de prevención dos conflictos familiares. O prazo de inscrición ábrese o xoves 14 de setembro.

Deixámosvos os carteis coa información:

Estimadas familias,

O día 23 de maio de 2017 publicouse no BOP (Boletín Oficial da Provincia)  a convocatoria da Concellería de Servicios Sociais e Sanidade do Concello de Oleiros coas bases para solicitar prestacións de apoio á escolarización para o curso 2017/18. Tedes toda a información na seguinte ligazón:

SOLICITUDE

ANEXO

Estade atentos porque o plazo remata o 12 de xuño (inclusive)

Saúdos,

Xunta directiva

ANPA Miguel Hernández

Estimadas familias,

Desde Servicios Sociais da Deputación de A Coruña convocan o VIII Concurso de viñetas para conmemorar o "Día das mulleres", baixo o título de "IgualMente".

Ten como obxectivo "empregar a viñeta para reflexionar, concienciar e mudar mentalidades da cidadanía en xeral e da poboación adolescente en particular, sobre a importancia de gozar de relacións afectivo-sexuais e de parella saudables e en igualdade, incidindo na necesidade social de respecto e tolerancia das diversidades sexuais e as identidades de xénero para acadar unha sociedade mais xusta e igualitaria".

Teñen como prazo de admisión ata o 12 de abril de 2017. E importantes premios como ordenadores, tablets e coleccións de cómics para idades comprendidas entre 12 e 18 anos.

Tedes toda a información na seguinte LIGAZÓN

Saudos afectuosos,

Xunta directiva

Estimadas familias,

Enlazámosvos a información que nos achegan desde a CONFAPA-GALICIA sobre unha xornada  especial organizada para o vindeiro sábado día 1 de abril titulada "Menores e o seu Mundo Dixital". 

Sabemos que este é un tema importante para as familias hoxe en día, polo que enviamos o programa e forma de inscribirse na seguinte LIGAZÓN.

Saúdos,

Xunta directiva

CONCURSO de MICRORRELATOS

Presentamos a 4ª edición do Certame que organiza a ANPA, en colaboración coa biblioteca do centro, co motivo do Día do Libro.

BASES:

Extensión máxima: 100 palabras

Idioma: Galego, castelán, inglés ou francés.

O texto debe comezar coa frase:

• Sentía un estremecedor calafrío cada vez que entraba naquela aula. . .
• I felt a hair-raising shiver every time I went into that classroom. . .
• Sentía un estremecedor escalofrío cada vez que entraba en aquel aula. . .
• Je ressentais un effroyable frisson chaque fois que j´entrais dans cette classe. . .
  
  

Só poderá presentarse un microrrelato por persoa. Serán de autoría propia, firmados cun pseudónimo e nivel do curso (1º ESO, 4º ESO, Bacharelato…). Terá que ser entregado na folla correspondente ao Certame que vos entregará o profesor de lingua correspondente.

Achegarase ao microrrelato un sobre pechado onde levará : no exterior o pseudónimo e curso e no interior o nome e apelidos do autor /a. Só abriranse os sobres dos relatos gañadores.

Entregaranse ao profesorado de lingua ou á responsable de biblioteca.

O Xurado estará formado por representantes da ANPA e profesorado responsable da biblioteca.

Os resultados publicaranse no blog da ANPA e nos taboleiros do Centro.

Hai cinco categorías con tres premios cada unha delas (vales para canxear na librería “A Libreira “ do Temple, Cambre):

	1º PREMIO	2º PREMIO	3º PREMIO
1º ESO	75 euros	50 euros	25 euros
2º ESO	75 euros	50 euros	25 euros
3º ESO	75 euros	50 euros	25 euros
4º ESO	75 euros	50 euros	25 euros
BACHARELATO	75 euros	50 euros	25 euros

Ademáis realizarase un SORTEO entre TODOS os participantes de varios artículos deportivos firmados por recoñecidas e recoñecidos deportistas galegos (balón de rugby, guantes de boxeo, camisetas…)

DATA tope de entrega:  30 de marzo                                       Entrega de PREMIOS : 21 de abril

ANIMÁDEVOS A PARTICIPAR!!

Nova edición do Obradoiro para MELLORAR A COMUNICACIÓN NA FAMILIA

Estimadas familias,

Desde a concellería de Servicios Sociais do Concello de Oleiros achegáronnos onte unha nova convocatoria do obradoiro para mellorar a comunicación nas familias. Tedes a información para facer a inscrición no seguinte enlace:

 INSCRICIÓN OBRADOIRO COMUNICACIÓN FAMILIAS

Fixádevos que as prazas adxudícanse por orde de inscrición e que o prazo para presentalas comeza este luns, día 20 de marzo!!!

Saúdos

Xunta directiva

Reparto axudas comedor curso 2015-16

Estimadas familias,

Como xa vos informamos por correo electrónico, en breve entregaremos os cheques co importe correspondente ás axudas de comedor que cada curso convoca a Xunta de Galicia e que a ANPA solicita e xestiona. A entrega realizarase en horario de comedor luns e martes.

Lembrade que son axudas concedidas a curso pasado. O importe de cada talón corresponde á parte proporcional consumida durante o curso 2015-16 e que foi ingresada con data 1 de febreiro. No caso de que máis dun membro familiar faga uso do comedor, o importe do talón corresponde á suma da axuda de cada un deles.

Para aquelas familias que durante o presente curso 2016-17 non sexan usuarias de comedor, poderán recoller o talón na sala da ANPA do instituto, o luns 20 ou o martes 21 de marzo, de 16:00 a 18:00 horas.

Como cada ano, o importe dos talóns non recollidos na data sinalada ou non cobrados, pasarán a formar parte do Fondo Solidario de Comedor.

Para calquera dúbida, por favor, contactade con nós no correo apamiraflores@gmail.com.

Saúdos afectuosos,

Xunta directiva

CLUB de LECTURA de ADULTOS

Estimadas familias,

Xa temos data para a segunda sesión do Club de Lectura de adultos que organiza a biblioteca escolar do instituto IES Miraflores. Animádevos a participar aínda que non puidésedes asistir á primeira xuntanza.

Terá lugar, na biblioteca do centro, o vindeiro 30 de marzo ás 17:00 horas e a novela elixida é "El Baile" de Irene Némirovsky.

Sen dúbida, un bo momento para compartir ideas, lembranzas, opinións...

CAMBIO na data do Club de Lectura

Estimadas familias,

Desde a biblioteca do instituto avísannos de que cambiaron a data da primeira sesión do Club de Lectura. Será o mércores 25 de xaneiro.

Anímate e participa!

Saúdos,

Xunta directiva