BO NADAL

 

 Que nunca che falte un sono polo que loitar, un proxecto que realizar, unha man que che axude, unha escola onde aprender, un lugar onde descansar e alguén que te queira de verdade...
  

 

Cos nosos mellores desexos de felicidade,

 

 

O Equipo Directivo da ANPA.

Escola Nais-Pais

Estimadas familias,

 

O Concello de Oleiros ten  programado para o mes de xaneiro, a realización duns obradoiros e xornadas enmarcadas no proxecto da escola de Nais-Pais.

 

O curso é de balde e todas as persoas interesadas previa  inscrición no Centro de Información Xuvenil A Fábrica.

 

Un afectuoso saúdo,

 

Xunta Directiva

 

Escola de Xornalismo

Estimadas Familias,

Comunicámosvos que se abriu o prazo de preinscrición para a actividade de Escola de Xornalismo, cuxo obxectivo final é a elaboración da revista do Instituto.

O prazo de preinscrición finalizará o próximo día 17 de decembro, sendo a data de inicio do taller o mes de xaneiro. Montaremos os grupos de luns e/ou martes, en horario de 15:00 a 16:00 en función das preinscricións recibidas.  A partires do día 17  recibiredes a confirmación por correo electrónico.

En relación ao resto de actividades ofertadas no mes de novembro e que non se puideron levar a cabo por non chegar aos mínimos establecidos, informámosvos que se decidiu seguir aceptando preinscricións. Avisarémosvos cando se chegue á cota determinada polas empresas que imparten os cursos.

Un afectuoso sáudo,
Xunta Directiva

"A Xunta de Goberno Local do Concello de Oleiros, na sesión celebrada o 5 de novembro de 2014, acordou conceder á nosa entidade a cantidade de 1.600 euros, en concepto de Actividade extraescolar: Escola de periodismo."