Club de lectura de maiores do IES Miraflores

Desde o Club de lectura de adultos do IES Miraflores pídennos difundir a seguinte actividade:

Xurxo Souto e "Contos do mar de Irlanda"

Animádevos a acudir o día 5 de abril porque paga a pena!!!

Saúdos lectores,

Xunta directiva 

OBRADOIRO de TÉCNICAS DE ESTUDO

Estimadas familias,

Como xa sabedes, cada ano a ANPA organiza e/ou financia diferentes actividades para as nosas fillas e fillos no instituto: obras de teatro, obradoiros, sesións culturais, etc.

Este ano, coordinados co departamento de orientación, decidimos organizar e financiar un obradoiro de técnicas de estudo para levar a cabo en sesións de titoría. Impártese en 1º e 3º de ESO, en catro sesións de 50 minutos con cada grupo. Xa remataron en 1º de ESO e estanse levando a cabo en 3º de ESO. Está impartido por Mª Belén Pérez, licenciada en Pedagoxía e con varios diplomas sobre Avaliación e Diagnóstico das dificultades específicas da aprendizaxe.

Estes son os contidos que nos presentaron no proxecto inicial e que están a desenvolver na aula:

"O proxecto de Técnicas de Estudio que se achega abrangue as ferramentas que constitúen os instrumentos básicos para o desenvolvemento das alumnas e dos alumnos no seu proxecto de estudio. Abrangue todo o que supón un entrenamento sistemático de aspectos necesarios para procesar a información: 

a) Conceptuais: condicionantes físicos e psíquicos do estudio e o coñecemento de ferramentas de estudio (Subliñado, esquema, resumen e mapa conceptual). 

b) Procedementais: organización e planificación das tarefas, con horarios de estudio coherentes, racionais e eficaces; a comprensión e eficacia lectora, etc. 

c) Actitudinais: motivación cara o estudio para dotar de significación e funcionalidade ao proceso de ensino e aprendizaxe.  

A suliñar: Todo este proxecto lévase a cabo de xeito atractivo para os rapaces pois a súa posta en escea realízase con actividades lúdicas e interactivas onde ademais se traballa co alumnado competencias propias da intelixencia emocional, pois as habilidades emocionais teñen unha gran influenza na motivación académica e nas estratexias cognitivas"

Queremos compartir tamén as suxestións plantexadas para as familias. Esperamos que faciliten o desenvolvemento na casa do plan de estudo traballado nas aulas:

2.1- Planificación dun horario semanal e outro diario coa finalidade de organizar tanto os deberes como o estudio, programando diariamente e que se fagan responsables do seu propio traballo. 

2.2.-Planificación igualmente dos traballos a realizar, das lecturas obrigadas dos libros e da preparación dos exames. 

2.2.- Conseguir que logren un espazo adecuado para o seu estudio diario na súa casa coas características e as ferramentas necesarias para que o estudio sexa de proveito. 

E como sempre, para calquera dúbida ou suxestións ao respecto que queirades aportar enviade un correo a: apamiraflores@gmail.com

Saúdos afectuosos,

Xunta directiva
ANPA Miguel Hernández

V Certame do Concurso de MICRORRELATOS

Estimadas familias,

Un ano máis a ANPA Miguel Hernández do IES Miraflores convoca o concurso de microrrelatos para conmemorar o Día do Libro. É unha boa oportunidade para que o alumnado participe, sexa creativo, invente historias reais ou fantásticas, breves (máximo cen palabras en calquera dos catro idiomas que falan no centro)...E tamén de ter unha recompensa doble: ademáis da publicación dos relatos gañadores na revista do instituto contamos con tres premios por curso de 75, 50 e 25 euros para canxear nas librarías "Alita cómics" e "Couceiro". Tedes toda a información no cartel que achegamos así como as plantillas para presentar os microrrelatos.

Veña! Animade ás vosas fillas e fillos a participar!!

Saúdos literarios,

Xunta directiva

ANPA Miguel Hernández

CARTEL do concurso de MICRORRELATOS

Plantillas para presentar o microrrelato

Participa no Consello da mocidade de Oleiros!

Moi boas,

Desde o concello pídennos axuda para difundir esta mensaxe. Pensamos que pode ser moi interesante...animádevos a participar!!!

Obradoiro "Mocidade e Novas Tecnoloxías"

Estimadas familias,

O pasado mes de decembro realizamos unha enquisa, entre todas as familias do instituto, para coñecer que temas interesaban e tratalos na escola de pais que queriamos iniciar este curso. O tema do uso das Novas Tecnoloxías foi o máis demandado.

As Novas Tecnoloxías cambian as relacións sociais e numerosos aspectos da nosa vida. As TICS pasaron a ser o medio natural dos “nativos dixitais”, e dicir, dos nosos fillos e fillas. Fenómenos frecuentes como o acceso a contidos inadecuados, o roubo de datos persoais, a suplantación de identidade ou o ciberacoso, asociados a unha insuficiente supervisión, fan que sexa necesario establecer estratexias de prevención e actuación conxunta para promover o uso responsable e seguro das tecnoloxías dixitais

A Concellería de Ensino e Xuventude do concello de Oleiros ofrécenos dentro do seu programa “Escola para familias” un obradoiro sobre Mocidade e Novas Tecnoloxías. Este taller impartirase de forma conxunta para as familias do IES Miraflores e o CEIP Isidro Parga Pondal.

Cando? Os MARTES 6, 20 e 27 de Febreiro de 18:30 a 20:30

Onde? No CEIP Isidro Parga Pondal de Santa Cruz

Contidos: • Conductas aditivas nas novas tecnoloxías.

• Descrición do problema.

• Posibles causas.

• Adición ás novas tecnoloxías en adolescentes e xoves

• Tipos de adicción respecto ás N.T: internet, vídeo-xogos, móbil…

• Prevención: que aporta?

• Factores de protección.

• Factores de risco.

• Ámbitos de interacción dos factores de risco

• Por que debemos facer prevención na familia?

Para ter unha estimación das persoas que van poder acudir, agradeceremos cubrades o documento que a modo de preinscrición atoparédesvos na seguinte ligazón:

https://goo.gl/forms/pwAzQE0RCGiXSmdG2

Esperando que o obradoiro sexa do voso agradado, recibide un agarimoso saúdo.

Xunta Directiva

ANPA MIGUEL HERNÁNDEZ

Subvención do concello de Oleiros para o obradoiro de xornalismo

O día 28 de decembro de 2017, a Xunta de Goberno Local do Concello de Oleiros acordou conceder á ANPA Miguel Hernández do IES Miraflores unha subvención por importe de 2027 euros para o desenrolo da actividade extraescolar: "Obradoiro de Xornalismo".

Como cada ano, o alumnado do institutoestá recibindo gratuítamente este obradoiro organizado pola ANPA e realizado pola empresa Mil Comunicación. Xa levan desde novembro organizando artículos, entrevistas, fotografías, etc. para montar a revista coa que coñeceremos, a final de curso, parte do que sucede no instituto: actividades extraescolares, inquedanzas, excursións...Faltan aínda a visita a algunha emisora de radio para ver e coñecer outro medio de comunicación.

Agradecemos ao concello este compromiso e subvención anual e animamos ao alumnado a participar activamente como "entrevistadores" ou "entrevistados". Así todos poderemos gozar da súa visión ersoal do que acontece arredor do instituto.

Saúdos

Xunta directiva

FELIZ ANO! e volta á actividade!!

Comezamos este ano 2018 cunha nova proposta do Club de lectura de adultos do Instituto. María (coordinadora da biblioteca) e o equipo encargado de dinamizala, convídannos a asistir á xuntanza arredor do libro "O vello e o mar" de Ernest Hemingway. Será o vindeiro mércores, 17 de xaneiro  ás 16,30 horas. 

Nesta ocasión comezarán coa película do mesmo título na versión de Anthony Queen. Sen dúbida xurdirán moitos temas interesantes arredor desta gran obra.

Animádevos a participar!! Acude ao instituto ese día e comparte unha boa tarde!!!!