MENÚ DECEMBRO

 

RESOLUCIÓN AXUDAS ÁS ANPAS PARA FINANCIAMENTO DO COMEDOR DOS USUARIOS DO SERVIZO

Con data 28 de novembro de 2023 o Concello de Oleiros acordou a concesión dunha subvención directa á ANPA Miguel Hernández do IES Miraflores para a rebaixa do custe do comedor ás familias socias, veciñas de Oleiros, que o solicitaron, por un importe de 5.942,84€. 

Os importes resultantes por alumno/a dependendo dos días de utilización do servizo son os seguintes:

"ÓPERA BREAKS" NO AUDITORIO GARCÍA MARQUEZ DE MERA

 Onte o alumnado de 1º a 3º da ESO tiveron unha xornada algo diferente. Puideron asistir ao espectáculo "Opera Breaks" a cargo da compañía A Vella Escola e a soprano Esperanza Mara. 

O espectáculo contou cun picadiscos que recibiu moitos aplausos por parte do noso alumnado. Ademáis desfrutaron de  bailaríns de danza urbana, rap e breakdance, así como beatbox e a mistura coa ópera que fixo  que o espectáculo fora novedoso e moi adaptado ao público que encheu o Auditorio. 

Moitas grazas aos profesores e profesoras que acompañaron ao alumnado ata alí e á dirección do Instituto por aceptar esta proposta.

Deixámosvos algunhas fotos da xornada.

CONVOCATORIA AXUDAS COMEDOR ÁS ANPAS DO CONCELLO DE OLEIROS

 

Bo día

 No presente curso escolar 2023-2024 o Concello de Oleiros vai ofrecer á ANPA a posibilidade de solicitar unha subvención destinada a diminuír o custe do comedor escolar ao alumnado usuario que o solicite a través do/a seu/súa representante legal e que estea empadroado no Concello de Oleiros.

O día 7 de novembro de 2023 comunicouse á Anpa do Ies Miraflores as condicións e prazos da antedita solicitude, mediante unha “Providencia de incoación de procedemento”, da que vos achegamos copia.

As familias socias da Anpa que queiran solicitar a mencionada axuda e que estean efectivamente empadroadas no Concello de Oleiros, deberán presentar á ANPA antes do día 13 de novembro a solicitude debidamente cuberta que se achega.

A solicitude pode ser asinada dos seguintes xeitos:

- Manuscrita: Neste caso deberá acompañarse unha copia do anverso do DNI

do/da asinante, a efectos de comprobar a súa identidade.

- Mediante sinatura electrónica (non se precisará copia do DNI).

As solicitudes á ANPA deberán ser entregadas ANTES DO DÍA 13 DE NOVEMBRO mediante o seguinte formulario:

FORMULARIO SOLICITUDE

no que debedes achegar a solicitude asinada (manualmente ou electrónicamente) así como a copia do DNI e o(s) volante(s) de empadroamento (que pode ser obtido na Sede Electrónica municipal),  no seu lugar é posible autorizar a consulta deste aspecto ao Padrón municipal, por parte do Concello.

 

En caso de non poder presentar a solicitude a través do formulario, poderedes presentar a solicitude presencialmente no seguinte horario exclusivamente:

➢ xoves 9 de novembro entre as 16,00 e as 19,00 da tarde

➢ venres 10 de novembro en horario de mañá entre as 8,30 e as 10,30h.

As solicitudes que sexan entregadas despois da data fixada non poderán ser tramitadas.

PROVIDENCIADE INCOACIÓN DE PROCEDEMENTO

SOLICITUDE AXUDA

Un  saúdo,

ANPA IES Miraflores

INFORMACIÓN AXUDAS DO CONCELLO DE OLEIROS ÁS ANPAS QUE XESTIONEN COMEDORES ESCOLARES NOS CENTROS PÚBLICOS DE OLEIROS

 

Bo día

Dado que temos moitas consultas por parte das familias socias da Anpa acerca das becas comedor, facemos unha comunicación da situación actual en relación con este tema, aínda que moitas das que asistíchedes a Asemblea do pasado día 17/10 xa coñecedes.

O Concello de Oleiros viña  tramitando dous tipos de axudas ao comedor xestionado polas Anpas dos centros sostidos con fondos públicos ubicados no Concello:

• A Concellaría de Servizos Sociais, unha axuda completa ao servizo de comedor en función dos criterios deste departamento recollidos na Ordenanza de Medidas de Inclusión Social que se pode consultar na paxina web do Concello.

• A Concellaría de Cultura, Normalización Lingüística, Ensino e Xuventude, unha axuda en función de determinados condicionantes que financiaba o comedor a posteriori, é dicir, implicaba o pago previo do servizo e, posteriormente, o Concello aboaba a cantidade concedida en función do cumprimento de determinados requisitos. O que se coñecía como Beca Comedor.

Estas Becas Comedor que anteriormente tramitaba o Concello de Oleiros a través da Concellería de Cultura, Normalización Lingüística, Ensino e Xuventude deixan de existir.

No seu lugar, o Concello, propón que as Anpas soliciten unha subvención que minore o importe do comedor dos usuarios do servizo, empadroados no Concello de Oleiros e de xeito lineal, para todas aquelas persoas que o soliciten.

Temos coñecemento de que as Anpas doutros centros do Concello de Oleiros están recollendo solicitudes e documentación, pero non temos información de que exista unha base legal para esto, non hai nada publicado oficialmente polo que os prazos que manexan teñen que ser orientativos e sen validez oficial á hora de proceder a ningún trámite.

A convocatoria desta subvención aínda non foi publicada, polo que non temos unhas bases sobre as que solicitar ningunha axuda, nin sobre as que vos poidamos informar das características concretas da nova situación.

En canto teñamos nova información faremos unha xuntanza informativa.

Moitas grazas. Un saúdo.

 OBRADOIRO PARA FAMILIAS. "A EDUCACIÓN QUE QUEREMOS: FOCO NOS/AS ADOLESCENTES"

Animámosvos a participar neste obradoiro a cargo de Carmen Vázquez de Prada Belasoaín, doutora en Psicoloxía da Educación.

Leva máis de 20 años aprendendo e traballando en diferentes organizacións no ámbito da xestión e desenvolvemento de persoas.

LUNS 23 DE OUTUBRO DE 2023 ÁS 20:00 HORAS NO SALÓN DE ACTOS DO IES MIRAFLORES

NON É PRECISA INSCRICIÓN

ACTIVIDADE ORGANIZADA E FINANCIADA POLA “ANPA MIGUEL HERNÁNDEZ”

MENÚ OUTUBRO