MENÚ FEBREIRO 2023

 

TÉCNICAS DE ESTUDO

 

Como complemento ás sesións que a especialista BELÉN PÉREZ SANMARTÍN vai impartir en horario lectivo ao alumnado, propónsenos ás familias unha charla sobre TÉCNICAS DE ESTUDO de xeito que saibamos o que aprendeu o alumnado e poidamos botar unha man nesta parte da súa aprendizaxe.

Deixámosvos o cartaz informativo e non deixedes de acudir, resulta interesante e clarificador para resolver moitas das dúbidas e problemas que se lles presentan aos nosos fillos e fillas á hora de estudar na casa.

Un saúdo

COMEZO DE ACTIVIDADES

 

Bo día familias

En febreiro darán comezo as actividades de ORIENTACIÓN, XORNALISMO e SKATE, as máis demandadas na enquisa realizada polo alumnado.

As persoas interesadas en participar deben cubrir os seguintes formularios:

ORIENTACIÓN E XORNALISMO son actividades gratuitas e podedes inscribirvos a través deste enlace indicando o día de preferencia:

https://forms.gle/gcLbn3HxaqkgbaQ69

A actividade de SKATE terá un custo de 35 euros ó mes (inclúese o préstamo do material) e será necesarias 10 inscricións. As persoas interesadas deben cubrir o seguinte formulario   indicando o día de preferencia  :

https://forms.gle/44QrP2KVSrTaoEG48

Animádevos e animade aos vosos fillos e fillas. É un bo xeito de facer algo diferente en compañía dos seus amigos e amigas no tempo libre que teñen despois de comer.

Un saúdo.

FELIZ ANO NOVO

 Bo día familias. Agardamos que tivérades unhas boas festas e que teñades un comezo de ano con moita ilusión.

O ano pasado rematamos antes das vacacións de Nadal co obradoiro de Almas Meraki para o alumnado de 4º da ESO, "Desconecta do machismo, reconecta contigo". Pensamos que foi unha boa experiencia e un espazo para a reflexión do alumnado.

Como sabedes fixemos un concurso de carteis para a publicidade desta actividade e o cartel gañador foi este que vos deixamos aquí.

Ademáis podedes ver algunhas das fotos do obradoiro con Sara Vierna.

Un pracer reflexionar con ela durante algún tempo e poñer o valor en cousas tan importantes.

Grazas ao alumnado de cuarto pola participación. 

Esta actividade foi subvencionada polo Concello de Oleiros dentro da convocatoria de Subvencións para a Promoción  e a Difusión da Cultura e o Deporte do ano 2022.

 

CONCESIÓN PROVISIONAL AXUDAS COMEDORES ESCOLARES

 Bo día.

No día de hoxe publicouse na web do Concello de Oleiros (apartado Concellería Ensino e Xuventude) o Acordo provisional de concesións e desestimacións das axudas para a asistencia a comedores escolares para o curso 2022 – 2023.

Achegamos o enlace de dito Acordo :  http://www.oleiros.org/c/document_library/get_file?uuid=dcfae394-f51c-4fce-be9f-79b7eb71c776&groupId=12702

O prazo de alegacións é de 10 días hábiles e finaliza o día 14 de decembro de 2022.

Un saúdo

CANCELACIÓN DA CHARLA DE ALIMENTACIÓN SAUDABLE

 Bo día,

Dende o Concello infórmannos que debido ao baixo número de inscritos, cancélase a charla sobre alimentación saudable, prevista para hoxe martes 29 de novembro, e organizada polo Centro de Formación e Recursos (CFR) da Consellería de Educación, en colaboración co Concello de Oleiros.

ALIMENTACION SAUDABLE-CHARLA PARA FAMILIAS

 Bo día

O Centro de formación e recursos da Consellería de Educación en colaboración co Concello de Oleiros, organiza unha charla para familias sobre alimentación saudable.

Celebrarase o vindeiro 29 de novembro martes ás 18 horas no Centro Municipal de Formación Isaac Diaz Pardo (Os Regos).

As inscircións fanse a través do enlace que vos deixamos aquí

Un saúdo