Nova concentración

Adxuntamos información recibida da Federación de ANPAs de A Coruña.

Un  Saludo,
Xunta Directiva

AXUDAS LIBROS 2013-2014

Aquí tedes o enlace á páxina web da Xunta de Galicia onde atoparedes toda a información relativa ás axudas para adquisición de libros do próximo curso.

Enlace Axudas

A MAREA VERDE

Adxuntamos correo recibido da Federación de ANPAS de A Coruña relativo ás actuacións da Plataforma:

 

"Bos días, adxuntamos Plan de mobilizacións de Xuño

 - Carta a remitir como persona individual ao presidente do Goberno de España que se transmíte a través do formulario( enlace) da web do Pazo da Moncloa. (premer aquí para Carta Modelo)

- Carta a remitir ao presidente da Xunta. Enviar ao enderezo de correo-e: secretaria.presidente@xunta.es (premer aquí para Carta Modelo)

- Recordatorio: manifestacións o vindeiro domingo día 16, dentro das convocatorias da Confederacións Europea de Sindicatos, na que participaremos como "Marea Verde". Esta mobilización dáse en todo o Estado.

 Finalmente, quero reiterar que, como todos sabemos, a escola pública é vital para garantir o dereito á educación de toda a cidadanía, polo que estamos a chamar a quen aínda non estean nelo, a defendela ca mesma decisión e implicación que vimos facendo.

Temos que dicilo porque xogámosnos moito: rexeitamos totalmente a contrarreforma chamada LOMCE, os recortes no Ensino, a destrucción da Escola Pública e, con todo elo, o Estado Social Basura que nos pretenden impor.

Moito ánimo. Temos a razón e a razón é innegociable.

Si tendes algunha dúbida poñervos en contacto.

Cordiais saúdos,

Lóis Uxío Taboada.

Secretaría de CONFAPA GALICIA."

Podedes consultar a WEB da Federación no apartado de Webs y Blogs

 

UN LOGO PARA A ANPA

Ola,

Aquí tedes o cartaz  que anuncia a gañadora do concurso de LOGO para a ANPA.

PRONTO VOLO ENSINAREMOS¡¡¡¡

 



 

Banco de libros

                                                                                                                                                          Oleiros, Xuño de 2013

Estimadas familias,

Tal e como vos adiantabamos na circular enviada o pasado mes de maio, dende a ANPA Miguel Hernández do I.E.S. Miraflores comezamos este ano un novo proxecto, o "BANCO DE PRÉSTAMO DE LIBROS DE TEXTO" co que se pretende:

ü  Dar un segundo uso aos libros de texto que estean en condicións aceptables.

ü  Rebaixar a carga económica que sufrimos todas as familias ao iniciar o curso escolar

ü  Concienciar a toda a comunidade educativa do valor da reutilización, non só como medida para coidar o medio, senón tamén como valor social.

ü  Fomentar no alumnado o coidado dos materiais escolares.

 Este proxecto iniciarase este mes de Xuño para os libros de texto e de lectura obrigatoria do próximo curso 2013-14. Para iso, como comentabamos, é necesaria a colaboración das familias na doazón dos libros de texto que os nosos fillos e fillas non vaian utilizar e que poderán usar outros compañeiros e compañeiras nos próximos anos.

 Trátase de crear un depósito de libros sustentado polas doazóns que as familias do alumnado do IES Miraflores fagan ao ANPA. Con eles, realizaranse préstamos a outras familias para o seu uso durante un curso escolar sen ningún custo, coa única obriga de devolvelos á asociación ao finalizar o curso.

 Quen pode doar libros e que libros se poden doar?

ü  Todas as familias, estean asociadas ou non, desexen beneficiarse do programa ou non.

ü  Poderanse doar todos os libros de texto e de lectura obrigatoria do curso pasado que estean nas condicións nas que nos gustaría que estivesen os que imos recibir.

Quen pode solicitar libros?

Todas as familias, estean asociadas ou non, de todos os cursos, incluído 1º ESO

Como se efectuará a repartición?

Para recibir os libros do novo curso escolar darase certo grao de preferencia ás familias que doaron libros, aínda que non podemos asegurar a reciprocidade na mesma proporción, pois depende dos libros que teñamos do curso solicitado. Aínda así non quixeramos formulalo como un simple troco (compra-venda sen diñeiro) senón que cremos que como noutros aspectos da vida, é posible dar sen esperar nada a cambio.

Como se entregan as solicitudes?

Dentro do sobre de matrícula encontraredes información diversa da asociación e un formulario- solicitude para o banco de libros coa relación de libros do curso que deixades e a relación de libros do curso entrante. Teredes que marcar de cada lista os que nos entregades e os que solicitades. Este formulario-solicitude deberá ser entregado xunto cos libros nos días sinalados para tal fin nesta carta informativa.

Cando se entregarán e recollerán os libros?

Haberá dous momentos - Xuño e Setembro-, con dúas fases - de recepción e entrega-. Xuño para os máis madrugadores e setembro para aqueles que deban ou desexen utilizar os libros durante o verán. Estaremos presentes no salón de actos do instituto o:

ü  27 de Xuño de 10 a 13 e de 16 a 18 e 28 de Xuño de 10 a 13 para que nos entregues os libros e a túa solicitude.

ü  2 e 3 de Xullo de 10 a 13 para entregarche os libros dispoñibles.

                                                                                  Y

ü  9 e 10 de Setembro de 10 a 13 para recibir os libros e que nos entregues a túa solicitude.

ü  12 e 13 de Setembro de 10 a 13 para entregarche os libros dispoñibles.

Algo máis que saber?

ü  Todos os libros serán revisados por membros da asociación e familias que se ofreceron a colaborar, tras o cal estes pasarán a ser propiedade do banco de préstamos da ANPA.

ü  Ao retirar os libros solicitados teredes que asinar un escrito de compromiso de entrega ao final do curso dos libros recibidos.

ü  A partir do inicio de curso, o banco seguirá aceptando doazóns e tamén seguiremos entregando libros. Manterémosvos informados da dispoñibilidade de libros no blog da asociación apamiraflores.blogspot.com.es/

Como xa vos comentamos, é unha experiencia nova que esperamos fortalézase e afiance no tempo. Como en todos os inicios non sabemos de antemán a cantidade de libros que imos ter dispoñibles para o próximo curso. Non obstante, confiamos en que se vaia consolidando o sistema de préstamo de libros e en poucos anos poidamos asegurar unha circulación de libros beneficiosa para todos.

Ante todo pedímosvos xenerosidade na doazón e confianza na xestión, tanto da Xunta Directiva coma das familias que se ofreceron a colaborar. É nosa pretensión ser o máis xustos e equitativos.

Tamén queremos dar as grazas ao resto da comunidade educativa pola súa colaboración e apoio neste proxecto, na confianza de que serán receptivos  a nosa petición de manter os mesmos libros de texto máis alá do que lles esixe a lei.

Para calquera dúbida, xa sabedes que nos podedes encontrar en info@apamiraflores.es.

Esperámosvos,

XUNTA DIRECTIVA DA ANPA

 

BANCO DE PRÉSTAMO DE LIBROS

Estimadas familias:

Dende a Asociación de Nais e Pais do Alumnado Miguel Hernández do I.E.S. "Miraflores" queremos iniciar este ano un banco de préstamo de libros de texto usados.

Coa creación do banco de libros pretendemos apoiar as familias reducindo os seus gastos así como fomentar diversos valores como a colaboración, a solidariedade, a responsabilidade no coidado do material escolar e respecto polo medio.

É unha experiencia nova para nós, que esperamos  se fortaleza e se afiance no tempo. Como en todos os inicios non sabemos como se vai desenvolver nin sabemos de antemán a cantidade de libros que imos ter dispoñibles para o próximo curso. Non obstante, confiamos en que se vaia consolidando o sistema de préstamo de libros e en poucos anos poidamos asegurar unha circulación de libros beneficiosa para todos.

Tamén vos informamos que é un proxecto aberto a toda a comunidade educativa, non sendo un requisito estar asociado. Dende a asociación cremos que cantas máis familias se poidan beneficiar do proxecto maior será o cumprimento dos nosos obxectivos.

Para este proxecto necesitamos a vosa colaboración. Colaboración non só ao entregar os libros do curso anterior, senón tamén colaboración activa e presencial  nas fases de recepción, clasificación e entrega dos libros. Animádevos a deixar os vosos datos de contacto no correo da ANPA.

Nunha próxima comunicación ampliarémosvos a información sobre fases do proxecto e datas, condicións e procedemento de petición, etc.

Recordade que nos tedes á vosa disposición no correo info@apamiraflores.es.

Saúdos afectuosos,

 A Xunta  Directiva

ANPA MIGUEL HERNÁNDEZ

Xa podes conseguir a túa camiseta Marea Verde en Defensa do Ensino Público

O custo é de 2,5 Euros
As podes encargar na conserxería do centro a partir do 30 de abril previo pago e sinalando o teu nome, o número de camisetas e  as tallas.
Os venres se entregarán as que entren no pedido da semá.