PRESTACIÓNS DE APOIO AO COMEDOR ESCOLAR CURSO 2026/2027 CONCELLO DE OLEIROS

 Bo día

O Concello de Oleiros ven de publicar as PRESTACIÓNS DE APOIO AO COMEDOR ESCOLAR PARA O CURSO 26/27. Anuncio da convocatoria ordinaria das prestacións de apoio a comedor escolar do Concello de Oleiros para o curso 2026/2027

Estas prestacións están recollidas na ORDENANZA DE MEDIDAS POLA INCLUSIÓN SOCIAL.

A ordenanza establece que o prazo ordinario de solicitude será no mes de xuño anterior ao inicio do curso escolar. Polo tanto, o prazo de presentación de solicitudes para a prestación de apoio a comedor escolar para o curso 2026/2027 iniciarase o luns 1 de xuño e finalizará o martes 30 de xuño.

As solicitudes xunto coa documentación necesaria deberán presentalas nos rexistros establecidos.

LUGARES DE PRESENTACIÓN DAS SOLICITUDES: 

REXISTRO XERAL DO CONCELLO: Praza de Galicia 1 - Oleiros. Horario de 8.30 - 14.00h.

VILLA ECHEVERRY: Avenida Ernesto Che Guevara 45 - Perillo. Horario de 9.00 - 14.00h.

NA SEDE ELECTRÓNICA, NO APARTADO REXISTRO E NO TRÁMITE: INSTANCIA TIPO PARA SOLICITUDES XENÉRICAS DE REXISTRO ELECTRÓNICO.

 Lede con atención, todos os requisitos, para saber se os cumprides ou non,   asinade todos os consentimentos e todas as persoas da unidade de convivencia, e achegade toda a documentación necesaria, para poder descontar os gastos recollidos na ordenanza.

Tedes toda a información da normativa e documentos PDF así como as porcentaxes de axuda ás que se pode acceder, no seguinte enlace: PRESTACIÓNS DE APOIO AO COMEDOR ESCOLAR CURSO 2026/2027

FROITA FRESCA NO MES DE MAIO

 Bo día familias

Como cada ano durante o mes de maio, dende a Anpa e coa colaboración do Instituto e da empresa que presta o servizo de comedor, Asueto, faise reparto de froita durante o recreo. Comezamos hoxe e, coma cada ano, é todo un éxito. Alegrámonos de que sexa así!!!!

A desfrutalo!!!

V FEIRA DE ORIENTACIÓN ACADÉMICA E PROFESIONAL NO CONCELLO DE OLEIROS

 

FALADOIRO CON FAMILIAS E DOCENTES

 

FORMACIÓN PRÁCTICA PARA FAMILIAS: "VAIA GLOW UP! CORPO, APARIENCIA FÍSICA E SAÚDE MENTAL"

Dende a Consultora de Xénero e Educación Almas Meraki e impartido por Sara Vierna chéganos a proposta de facer un obradoiro acerca das esixencias estéticas e apariencia física ás que están sometidas as persoas adolescentes actualmente e o sufrimento emocional que xenera.

Baixo o título VAIA GLOW UP! CORPO, APARIENCIA FÍSICA E SAÚDE MENTAL debatiremos e aprenderemos sobre enfoques e ferramentas para acompañar as nosas e os nosos adolescentes. Qué impacto ten este tema na súa vida, de qué xeito están os centros educativos preparados para axudar, enfocar e tratar estas problemáticas e a necesidade de espazos de reflexión e acompañamiento. Ao fin facernos conscientes  de que esto existe, o que supón para alumnado e familias e para o centro educativo onde pasan gran parte do seu tempo os nosos fillos e as nosas fillas.

Sería unha formación durante 2 días de 3 horas cada día en horario de 18:00 a 21:00 no IES Miraflores. As prazas son limitadas xa que é o mellor xeito de sacarlle rendemento á formación. As datas a elixir son 27/02 e 13/03 ou 05/03 e 12/03.

Por todo esto, enviámosvos este formulario que nos permita organizar e calendarizar a proposta o mellor posible. Cando saibamos as datas exactas poñerémonos en contacto con vos a través do correo electrónico que nos facilitedes no formulario.

https://docs.google.com/forms/d/e/1FAIpQLSdJSKy1LDj60-L_P4-wRJ0QnKMOqLhfiLKgimMAiYMlONwEww/viewform

Está dirixido ás familias do IES Miraflores e  financiado por a ANPA Miguel Hernández para as familias socias. Se non es familia socia e estás interesada en participar podes facelo cunha matrícula de 20 euros que deberás aboar na conta da Anpa despois de que nos poñamos en contacto contigo a través do correo.

REDES, ADICCIÓNS E OUTROS RISCOS NA ADOLESCENCIA

 

Bo día ,

lembrámosvos que o LUNS, 2 DE FEBREIRO, ÁS 19:00 NO SALÓN DE ACTOS DO IES MIRAFLORES teremos unha charla do PLAN DIRECTOR para a convivencia e mellora da seguridade nos centros educativos e as súas contornas.

 Será impartida por Fernando Jiménez, Garda Civil Formador do Plan Director, 1ª Compañía, Comandancia de A Coruña.

SUBVENCIÓN CONCELLO DE OLEIROS

 

En novembro do pasado ano 2025 aceptamos a subvención concedida polo Concello de Oleiros á nosa Asociación por Resolución 2025006129 de data 20/11/2025 por importe de 1.941,17€.

OBRADOIRO LEGO SERIUS PLAY

 Bo día familias!!!

Feliz Ano 2026. Agardamos que puidérades descansar nestas vacacións e que iniciedes o ano con ilusión e tranquilidade.

Rematamos o primeiro trimestre cun obradoiro ben interesante do que vos deixamos entrada.

Foi un obradoiro de desenvolvemento vocacional dirixido ao alumnado de 4ºESO coa metodoloxía LEGO SERIUS PLAY. Da man de Carmen De la Sierra e o seu equipo levaron a cabo un obradoiro práctico centrado na introspección persoal e que motivou ao alumnado a pensar e descubrir cales son as súas capacidades e talentos ocultos.

Pensamos que tivo un aproveitamento moi bo e o alumnado recoñeceu ter o espazo para poder facer aflorar cousas nas que nunca pensara sobre sÍ mesmo. 

A través desta metodoloxía xerouse un espazo de confianza e de comunicación aberta e respetuosa moi interesante.

Deixámosvos algunhas fotografías. Todo o alumnado de 4ºESO repartiuse entre dous días, 17 e 19 de decembro con 3 horas para cada obradoiro. 

Moitas grazas a Carmen e o seu equipo, ao alumnado que tanto desfrutou e ao profesorado e dirección do IES que apoiou o obradoiro e fixo posible o seu desenvolvemento. 

REMATE DO I OPEN DE XADREZ DO IES MIRAFLORES

 

Esta semana tivemos a final do I Open de Xadrez do IES Miraflores. Os tres gañadores recibiron os seus premios de man do secretario da Anpa Jose e do director do centro Oscar. Parabens aos premiados e moitísimas grazas a todas as persoas participantes. 

Queremos agradecer tamen á nosa profe Karla July a súa implicación para poder levar a cabo esta iniciativa. Deixámosvos algunhas fotos do desenvolvemento do torneo. 

ASEMBLEA ORDINARIA ANPA MIGUEL HERNÁNDEZ

 Lembrade que este xoves 20 de novembro temos Asemblea Ordinaria da Anpa, ás 19.00h en primeira convocatoria e as 19.30h en segunda co seguiinte orde do día:

1. Lectura e aprobación da acta da asemblea anterior.

2. Estado de contas.

3. Actividades e obradoiros.

4. Subvencións solicitadas.

5. Novas incorporacións á ANPA.

6. Rogos e preguntas.

Moitas grazas de antemán pola vosa asistencia e participación. 

CHARLA PARA FAMILIAS DE TÉCNICAS DE ESTUDO

 

Bo día

A semana pasada tivemos un gran éxito de participación na charla para familias de Belén Pérez Sanmartín falándonos de técnicas de estudo, dende cómo aprender o que teñen diante nun papel ata como organizar o tempo e hábitos saudables que contribúen a un maior rendemento e aproveitamento do tempo.

Moitas grazas a todas as persoas que asistíchedes pola vosa participación!!!

TÉCNICAS DE ESTUDIO- CHARLA PARA FAMILIAS

 

Vémonos hoxe ás 20.00h no Instituto para seguir a charla de Belén Sanmartín do centro Elemental para coñecer as técnicas de estudio que aprenden os/as nosos/as fillos/as e poder axudar, comprender e animar a superar os cursos. 

MENÚ NOVEMBRO

 

I OPEN DE XADREZ DO IES MIRAFLORES

 

Aínda estades a tempo de anotarvos no I Open de Xadrez do IES Miraflores. 

Animádevos!!!!!

Tanto se sodes alumnado da actividade como se non, ou tal vez estivéchedes anotados e anotadas en anos anteriores, podedes pasalo ben e desfrutar do xadrez con Karla a nosa mestra de xadrez.

BENVIDA AO CURSO 2025/2026

 Bo día familias

Dende a Anpa dámosvos a benvida a un novo curso escolar. Agardamos que desfrutedes dos meses que temos por diante e esperamos poder facer cousas interesantes que sexan atractivas e educativas para alumnado e familias. 

Animámosvos a participar con nos e se tedes propostas que facernos e queredes colaborar non dubidedes en facelo. Dende a Anpa organizamos actividades e participamos co Centro en un montón de propostas interesantes. 

Se aínda non sodes familia socia apuntádevos no seguinte enlace.

https://docs.google.com/forms/d/e/1FAIpQLSdTgbHUgdrz1LOpIIF97U-7uuoamsIggdMrG_V_QfTg-meTFQ/viewform

Ademáis aproveitamos para facervos chegar o menú do mes de setembro do servizo de comedor.

Un saúdo e benvidas!!!!

ALTA FAMILIAS SOCIAS PARA O CURSO 2025/2026

 

Estimadas familias,

Anexamos a ligazón ao formulario para facer a alta como socios da ANPA do IES Miraflores para o curso 2025-2026 (lembramos que é necesario facer a alta cada ano, ao non estar domiciliada).

FORMULARIO ALTA SOCIAS

Ao final do formulario solicítase  que se anexe o xustificante de pago (20€/familia, non por estudante), tras facer o ingreso na conta

ES8220800064923040016574

no concepto da transferencia agradecemos que indiquedes os apelidos da familia (dos/as rapaces/as).

Aproveitamos para enviar un breve resumo de tódalas actividades que facemos dende a ANPA, para o que precisamos da vosa colaboración.

Grazas!

CONVOCATORIA PRESTACIÓNS DE APOIO AO COMEDOR ESCOLAR 2025/2026

Estimadas familias:

Dende o Concello remítennos a seguinte información para compartir con vos acerca das prestacións de apoio ao comedor escolar para o próximo curso 2025/2026.

Toda a información está recollida na seguinte ligazón:

PRESTACIÓNS APOIO COMEDOR ESCOLAR 25/26

Neste enlace atoparedes a Ordenanza reguladora así como a solicitude e o Anexo I de autorizacións de todas as persoas da unidade de convivencia. 

O PRAZO para a presentación das solicitudes remata o  LUNS 30 de XUÑO

Estas prestacións son:

• para persoas empadroadas no Concello de Oleiros

• para persoas matriculadas en colexios públicos do termo municipal de Oleiros e nos que o comedor escolar estea xestionado pola Anpa.

LEDE con atención todos OS REQUISITOS, ASINADE os CONSENTIMENTOS, TODAS AS PERSOAS  DA UNIDADE DE CONVIVENCIA.

 

DOMINGO 25/05/2025. XUNTANZA XXV ANIVERSARIO DO IES MIRAFLORES PARA TODA A COMUNIDADE EDUCATIVA

 

Bo día familias

O IES MIRAFLORES celebra o seu XXV aniversario e, ademáis de todas as xornadas conmemorativas que houbo dende o inicio do curso o día 25 de MAIO teremos o peche da celebración. 

É o propio día do aniversario e estanse preparando actuacións musicais en directo, bochinche, venda de roupa conmemorativa......

Será unha xuntanza aberta a todas as persoas que forman e formaron parte da comunidade educativa dende o seu inicio.

Achegarvos á celebración, agardámosvos!!!

XOVES 15 DE MAIO ÁS 22:00. XORNADA DE OBSERVACIÓN DE ESTRELAS

 Bo día

Lembrámosvos esta convocatoria que nos fan dende o Instituto con motivo do 25 aniversario do IES Miraflores. 

Será unha xornada divulgativa de astronomía impartida por Óscar Blanco, astrofotógrafo e director do Centro Astronómico de Trevinca( Ourense). 

As 22 comezará cunha charla no salón de actos do centro para despois, ás 22.30 saír ao exterior e facer unha observación do ceo oleirense.

Animádevos a participar!!!

FROITA FRESCA NO RECREO

Bo día

Todos os xoves do mes de maio o alumnado do centro ten á súa disposición no segundo recreo, de balde, un vaso de froita fresca preparada para tomar.

Con esta iniciativa, financiada íntegramente pola ANPA do IES Miraflores, para todo o alumnado do centro continúase co proxecto de fomentar o hábito saudable do consumo de froita de tempada.